డేరాలు, రోడ్డుప్రక్కన డేరాలు
ఎర్రరంగు,బులుగు రంగు డేరాలు
గట్టిగా బిగించిన తాళ్ళు,
లోతుగా నాటిన కడ్డీలు
పిల్లల కోడిలా ఓ తల్లి
బండరాతిమీద సారా గుటకలు వేస్తూ కోడిపుంజు
చీకటి అలుముకున్న రాత్రి
వీధిదీపాల వెలుగులు కొద్ది కొద్దిగా డేరాలో జొరబడి,
యుద్దం చేస్తున్నాయ్ చీకటి మీద, కానీ గెలవడం లేదు
చలికాలం, చల్లటిగాలి రివ్వురివ్వున తాండవం చేస్తుంది
పున్నమిరాత్రి, పుట్టెడు దుఖంతో గొడ్డుకారం కలిపిన నూకలబువ్వ
ఆ పిల్లల కోడి తన పిల్లలకు ఎర్రటి మెతుకులు తినిపిస్తోంది
